Daytamil » Home | Facebook | Google+ | Twitter | Advertise with us | Contact us -



இயற்கை வழியில் சொத்தைப் பற்களை சரிசெய்ய..?

இயற்கை வழியில் சொத்தைப் பற்களை சரிசெய்ய..?

அனைவரும் சொத்தைப் பற்களானது பாக்டீரியாக்களால் தான் ஏற்படுகிறது என்று நினைக்கிறோம். ஆனால் சொத்தைப் பற்களானது ஊட்டச்சத்துக் குறைபாட்டினால் தான் ஏற்படுகிறது. அதனால் தான் பற்களில் அதிக அளவில் ஆசிட்டுகள் பட்டு, பற்களில் ஓட்டைகள் ஏற்பட்டு, அவ்விடத்தில் கிருமிகளானது குடிபுகுந்து பற்களை அழிக்கிறது. ஆகவே பற்கள் சொத்தை அடையாமல் இருக்க வேண்டுமானால், முதலில் பற்களை வலுவடையச் செய்ய வேண்டும். அதற்கு உண்ணும் உணவுகளில் அதிக கவனத்தை செலுத்த வேண்டும். 

சரி, இங்கு சொத்தைப் பற்களை இயற்கை வழியில் சரிசெய்ய சில டிப்ஸ் கொடுக்கப்பட்டுள்ளது. அதைப் படித்து அவற்றை பின்பற்றி வந்தால், பற்களில் சொத்தை ஏற்படுவதையும், சொத்தையடைந்த பற்களையும் சரிசெய்யலாம்..... 

சர்க்கரையைத் தவிர்க்கவும்;சர்க்கரை உள்ள உணவுகளை உட்கொள்வதைத் தவிர்க்க வேண்டும். ஏனெனில் வாயில் உள்ள பாக்டீரியாக்களுக்கு சர்க்கரை மிகவும் பிடித்தமான உணவு. ஆகவே இவற்றை உட்கொள்வதை நிறுத்தினால், பற்களின் வலிமை நாளுக்கு நாள் அதிகரித்து, வாயில் உள்ள பாக்டீரியாக்கள் பற்களைத் தாக்குவதைத் தடுக்கலாம். வேண்டுமானால் உணவில் சர்க்கரைக்கு பதிலாக தேனை சேர்த்துக் கொள்ளலாம். 

கால்சியம் மற்றும் வைட்டமின் டி நிறைந்த உணவுகள்;பற்களில் சொத்தை, ஓட்டை போன்றவை ஏற்படுவதற்கு முக்கிய காரணம் வைட்டமின் டி குறைபாடு தான். ஆகவே உடலில் வைட்டமின் டி சத்தை அதிகரிக்க, அதிகாலையில் சிறிது நேரம் சூரிய ஒளியில் உடற்பயிற்சி செய்வதோடு, உணவில் சால்மன் மீன், காளான், பால் பொருட்கள், முட்டை போன்றவற்றை உட்கொண்டு வாருங்கள். 

ஆயில் புல்லிங்;2 டீஸ்பூன் தேங்காய் எண்ணெய், 2 டீஸ்பூன் நல்லெண்ணெய், 1 துளி கிராம்பு எண்ணெய், 1 துளி டீ ட்ரீ ஆயில் ஆகியவற்றை ஒன்றாக கலந்து, காலையில் எழுந்ததும் வெறும் வயிற்றில், வாயில் ஊற்றி 20 நிமிடம் கொப்பளிக்க வேண்டும். இப்படி தினமும் செய்து வந்தால், பற்கள் மட்டுமின்றி ஈறுகளும் ஆரோக்கியமாக இருக்கும். மேலும் அன்றாட உணவில் தேங்காய் எண்ணெய் சேர்த்து வருவதும் மிகவும் நல்லது. 

நேச்சுரல் டூத் பேஸ்ட்;ப்ளூரைடு பற்களை வலிமையாக்குவதோடு, சொத்தை ஏற்படுவதைத் தடுக்கும். ஆகவே ப்ளூரைடு நிறைந்த டூத் பேஸ்ட்டை வாங்கிப் பயன்படுத்துங்கள். இல்லாவிட்டால் வீட்டிலேயே தயாரித்து அதனைக் கொண்டு அன்றாடம் பற்களை துலக்குங்கள். நேச்சுரல் டூத் பேஸ்ட் தயாரிக்க, 4 டேபிள் ஸ்பூன் தேங்காய் எண்ணெய், 5 டேபிள் ஸ்பூன் கால்சியம் மாத்திரைகளை பவுடர் செய்தது மற்றும் 2 டேபிள் ஸ்பூன் பேக்கிங் சோடா ஆகியவற்றை ஒன்றாக கலந்து ஒரு டப்பாவில் போட்டு, பற்களை துலக்கும் போது, அதனைப் பயன்படுத்திக் கொள்ளவும். 

சாம்பல்;சாம்பல் பயன்படுத்தி பற்களை துலக்கினால், சாம்பலானது வாயில் உள்ள டாக்ஸின்களை உறிஞ்சி, பற்களுக்கு நல்ல பாதுகாப்புத் தரும். அதிலம் சாம்பல் கொண்டு பற்களைத் துலக்கினால், பற்கள் வெண்மையாக இருப்பதோடு, பற்களை அழித்துக் கொண்டிருக்கும் பாக்டீரியாக்களை வெளியேற்றி, பற்களுக்கு வலிமையைத் தரும். 

வேப்பங்குச்சி;அன்றாடம் வேப்பங்குச்சி கொண்டு பற்களை துலக்கினால், அதில் உள்ள கசப்புத்தன்மையினால், வாயில் உள்ள பாக்டீரியாக்கள் அழிந்துவிடுவதோடு, வாயும் புத்துணர்ச்சியுடன் இருக்கும். 

தண்ணீர் அதிகம் குடிக்கவும்;தினமும் சிறு இடைவெளியில் அவ்வப்போது தண்ணீரைக் குடிக்க வேண்டும். இப்படி செய்வதால், பற்களை அழிக்கும் ஆசிட்டுகளை நடுநிலைப்படுத்தும். இதனால் பற்கள் பாதிக்கப்படுவதைத் தடுக்கலாம். மேலும் எப்போது உணவுகளை உட்கொண்ட பின்னரும் வாயை கொப்பளிக்க வேண்டும்,,,,,,,!


உங்கள் நண்பர்களுடன் பகிர்ந்து கொள்ளுங்கள்


உங்கள் கருத்து என்ன?


 
Back to Top